আজি মাণিকপুৰত ৩টা,বইটামাৰীত ২টা আৰু সৃজনগ্ৰাম ৰাজহ চক্ৰত ১০টা(মুঠ ১৫টা) আশ্ৰয় শিবিৰত ৪৪৭৯গৰাকী লোকে আশ্ৰয় লৈ আছে। ইয়াৰে ভিতৰত ১২২৩টি শিশু আৰু ৭৭গৰাকী গৰ্ভৱতী মহিলা আৰু মাতৃদুগ্ধ পান কৰি থকা শিশুৰ মাতৃও আছে। ১৬টা সাহায্য বিতৰণ কেন্দ্ৰযোগে বন্যাৰ্তসকলৰ মাজত সাহায্য বিতৰণ কৰা হয়। ১৬টা চিকিৎসা সেৱাৰ দলে বানাক্ৰান্তসকলক চিকিৎসা সেৱা আগবঢ়াই আছে।
আজি বানাক্ৰান্ত লোকসকলক চাউল ১৬৪.০৪কুইন্টল, দাইল ৩১.৫২কুইন্টল, নিমখ ৯.৪৪কুইন্টল, মিঠাতেল ৩২০.১০লিটাৰ আৰু শিশুখাদ্য দিয়া হয়। ইয়াৰ উপৰিও মাডাৰ হৰলিক্স, বিস্কুট, আমূল টাজা গাখীৰ আদিও দিয়া হৈছে। আনহাতে খাদ্য সামগ্ৰীৰ উপৰিও ব্লিচিং পাউদাৰ, হেলোজেন টেব্লেট, ফেনাইল, হেণ্ড টিউবেল, ত্ৰিপাল, মহখেদা ধূপ, চেনিটাৰী নেপকিন, ডাষ্টবিন আদিও বানাক্ৰান্ত লোকসকলক যোগান ধৰা হৈছে।
আনহাতে যোৱাকালি জিলা প্ৰশাসনৰ তৰফৰ পৰা সাহায্য সামগ্ৰী হিচাপে আগবঢ়োৱা হৈছিল চাউল ১২৩৭.৫২কুইন্টল, দাইল ২৩৩.৫৭কুইন্টল, নিমখ ৭০.০১কুইন্টল আৰু মিঠাতেল ২১৩৫.০৪লিটাৰ।
0 Comments
Please do not enter any Spam Link in the comment box.